Fyrsta lagið frá U2 í þrjú ár

Fyrsta lagið með hljómsveitinni U2 í þrjú ár hljómar í stiklu væntanlegrar myndar um ævi Nelsons Mandela.

Hún nefnist Mandela: Long Walk To Freedom.

Lagið var samið sérstaklga fyrir myndina. Þar fer Idris Leba úr sjónvarpsþáttunum The Wire og Luther, með hlutverk Mandela. Myndin er byggð á sjálfsævisögu Mandela frá árinu 1994, Long Walk To Freedom.

Stutt er síðan Adam Clayton, bassaleikari U2, greindi frá því að hljómsveitin ætlaði að ljúka við nýja plötu í lok nóvember.

Síðasta plata sveitarinnar, No Line On The Horison, kom út 2009.