Zenit í góðri stöðu gegn Liverpool

Zenit er með 2-0 forystu gegn Liverpool eftir fyrri viðureign liðanna í 32-liða úrslitum Evrópudeildar UEFA.

Liverpool byrjaði betur í leiknum en Luis Suarez fór illa að ráði sínu og klúðraði tveimur dauðafærum.

Zenit komst svo yfir með þrumufleyg Brasilíumannsins Hulk á 69. mínútu en hann hafði þá þegar skotið í stöng í leiknum.

Þremur mínútum síðar skoraði Sergei Semak annað mark Zenit af stuttu færi eftir að varnarmenn Liverpool sváfu á verðinum.

Það er því ljóst að það verður á brattann að sækja fyrir Liverpool en síðari leikurinn fer fram á Anfield.