Real Madrid áfram í bikarnum

Tvö mörk í fyrri hálfleik nægðu Real Madrid til að slá C-deildarliðið Olímpic de Xàtiva út úr spænska bikarnum í kvöld.

Real Madrid vann leikinn 2-0 á heimavelli sínum en liðin gerðu óvænt markalaust jafntefli í fyrri leiknum.

Asier Illarramendi (16. mínúta) og Ángel di María (vítaspyrna á 28. mínútu) skoruðu mörk Real Madrid í leiknum.

Cristiano Ronaldo tók út leikbann í leiknum og Gareth Bale spilaði ekki vegna meiðsla.

Úrslit leikja í spænska bikarnum í kvöld:

Real Sociedad - Algeciras 4-0 (5-1 samanlagt)

Atlético Madrid Sant Andreu 2-1 (6-1)

Real Betis - Lleida Esportiu 2-2 (4-3)

Almería - Las Palmas 0-0 (3-1)

Real Madrid - Olímpic de Xàtiva 2-0 (2-0)

Sevilla - Racing Santander 0-2 (1-2)

Villarreal, Getafe, Levante, Osasuna, Barcelona og Alcorcón komust áfram í sextán liða úrslitin í gær.