Innlent

Barna- og vaxtabætur lækka

Jóhanna Margrét Einarsdóttir skrifar
Barnabætur lækka um 600 milljónir samkvæmt fjárlagafrumvarpinu.
Barnabætur lækka um 600 milljónir samkvæmt fjárlagafrumvarpinu.

Samkvæmt fjárlagafrumvarpinu er áætlað að barnabætur á næsta ári verði 10.2 milljarðar króna en á í fjárlögum þessa árs voru þær  tæpir 10.8 milljarðar króna.

Í frumvarpinu segir að viðmiðunarfjárhæðir og reiknireglur barnabóta verði þær sömu og við álagningu þessa árs. Þá er boðað hert eftirlit með bótasvikum.

Til að mæta 1,5 prósenta hagræðingarkröfu ríkisins er gert ráð fyrir að viðmiðunarfjárhæðir barnabótakerfisins verði ekki uppfærðar í samræmi  við verðlag og verði því óbreyttar í krónum talið milli ára en við það verður lítilsháttar lækkun á vaxtabótum árið 2014 eða sem nemur 169 milljónum króna. 
Í fjárlögum þessa árs var gert ráð fyrir að vaxtabætur yrðu  tæplega 11.1 miljarður króna en í fjárlagafrumvarpi næsta árs er gert ráð fyrir að vaxtabætur verði  tæpir 9.4 milljarðar króna. 

Vaxtabætur fá þeir sem hafa greitt vaxtagjöld af lánum vegna kaupa á eigin húsnæði. Í forsendum fjárlaga næsta árs er gert ráð fyrir að viðmiðunarfjárhæðir og reiknireglur haldist óbreyttar  frá fyrra ári.

Til að mæta 1,5 prósenta hagræðingarkröfu ríkisstjórnarinnar verða viðmiðunarfjárhæðir vaxtabótakerfisins ekki uppfærðar í samræmi við verðlag og verða því óbreyttar í krónum talið milli  ára en við það verður lækkun á vaxtabótum sem nemur 165 milljónum króna. Þá er reiknað með að eftirlit verði hert sem kostur er með bótasvikum á þessu sviði líkt og með barnabæturnar. 


Tengdar fréttir

Landspítalinn fær enga innspýtingu - fé til tækjakaupa skorið niður

Tímabundið 600 milljóna króna framlag til spítalans vegna tækjakaupa er fellt niður. Hagræðingarkrafa á spítalann felur í sér hækkun á sértekjum sem verður náð með nýju legugjaldi. Um er að ræða nýtt gjald þar sem sjúklingar greiða 1.200 krónur fyrir hvern sólarhring sem þeir dvelja á Landspítalanum. Með þessu nýja gjaldi er spítalanum reiknaðar um 200 milljónir í sértekjur.

Mikilvægt að stöðva skuldasöfnun ríkissjóðs

Bjarni Benediktsson fjármálaráðherra segir gríðarlega mikilvægt að stefna að hallalausum fjárlögum til að stöðva skuldasöfnun ríkissjóðs. Bankaskatturinn verður notaður til að lækka skatta á fyrirtæki og heimili.

Stefna á hallalaus fjárlög

Gert er ráð fyrir því að ríkissjóður skili tæplega 500 milljón króna afgangi á næsta ári miðað við fjárlagafrumvarp ríkisstjórnarinnar sem var kynnt í morgun. Þetta eru fyrstu hallalausu fjárlögin frá hruni.

Tóbak og áfengi hækka í verði

Tóbaksgjald og gjald á áfengi verður hækkað, samkvæmt lagabreytingu sem verður lögð fyrir Alþingi í næstu viku.

Heilbrigðisstofnanir á landsbyggðinni sameinaðar

Kristján Már Júlíusson heilbrigðisráðherra hefur ákveðið að heilbrigðisstofnanir á landsbyggðinni verði sameinaðar. Þetta kemur fram í frumvarpi til fjárlaga fyrir árið 2014. Eftir sameiningu stofnana verður ein stofnun í hverju heilbrigðisumdæmi, eins og lög um heilbrigðisþjónustu gera ráð fyrir. Þetta á við um Norðurland, Suðurland og Vestfirði.

Milljónir í eflingu löggæslu

Gert er ráð fyrir 500 milljón króna viðvarandi framlagi til að efla löggæsluna í landinu. Á sama tíma er gert ráð fyrir að 200 milljón króna framlag sem veitt var tímabundið til löggæslumála í fjárlögum 2013 verði fellt niður.

Tekjuskattur lækkar

Skatthlutfallið í miðþrepi tekjuskatts verður lækkað um 0,8 prósentustig samkvæmt fjárlagafrumvarpi ríkisstjórnarinnar. Skatthlutfallið lækkar úr 25,8% í 25%.

Skólagjöld hækka um 25 prósent

Framlag íslenska ríkisins til Háskóla Íslands á næsta ári lækkar um 321,8 milljónir króna og skólagjöld verða hækkuð úr 60 þúsund krónum í 75 þúsund krónur í öllum ríkisreknum háskólum.

Hætt við stækkun FSU

Heildarfjárveiting íslenska ríkisins til framhaldsskóla á Íslandi lækkar um rúmlega 1,5 milljarð króna í fjárlögum síðasta árs. Þar af eru almennar launa- og verðlagsbreytingar 645 milljónir króna.

100 milljónir til hönnunar sjúkrahótels

Nýr Landspítali er ekki fyrirferðarmikill í nýju frumvarpi til fjárlaga. Til hans eru lagðar 100 milljónir króna til fullnaðarhönnunar á sjúkrahóteli.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.