Pepsi-mörkin: Dansinn hjá Óla Kristjáns

Ólafur Kristjánsson, þjálfari Breiðabliks, fagnaði langþráðum sigri í Pepsi-deildinni í gærkvöldi þegar Blikar unnu 2-1 sigur á Stjörnunni á Kópavogsvellinum en þetta var fyrsti deildarsigur Breiðabliksliðsins í ágústmánuði.

Hörður Magnússon og félagar í Pepsi-mörkunum sýndu skemmtilegt myndbrot af Ólafi í þessum leik þar sem hann er að gefa sínum leikmönnum skipanir inn á völlinn.

Ólafur sýnir þarna skemmtileg dansspor á hliðarlínunni og það var því við hæfi að skella undir einu góðu diskó-lagi með Bee Gees. Sjón er sögu ríkari og má sjá myndbandið með því að smella hér fyrir ofan.