Sport

Heimsmeistaramót íslenska hestsins í beinni á Stöð 2 Sport

Heimsmeistaramót íslenska hestsins er að þessu sinni haldið í höfuðborg Þýskalands og er þetta í fyrsta sinn sem mótið er haldið í miðri stórborg.
Heimsmeistaramót íslenska hestsins er að þessu sinni haldið í höfuðborg Þýskalands og er þetta í fyrsta sinn sem mótið er haldið í miðri stórborg.

Stöð 2 Sport hefur tryggt sér útsendingarréttinn á Heimsmeistaramóti íslenska hestsins sem haldið verður í Berlín í Þýskalandi dagana 4. - 11. ágúst og verður Stöð 2 Sport með beinar útsendingar frá mótinu alla keppnisdagana og samantektarþætti á kvöldin. Þetta mun verða í fyrsta skipti sem Heimsmeistaramóti íslenska hestsins verður sjónvarpað í heild sinni í beinni útsendingu með íslenskum lýsingum. 

Setningarathöfn mótsins fer fram á sunnudag og þá mun Dorrit Moussaieff, forsetafrú, ríða í gegnum Brandenborgarhliðið í Berlín ásamt hópreið íslenskra gæðinga sem fara í gegnum miðborgina að mótsvæðinu.  Opnunarhátíð mótsins verður í beinni útsendingu á Stöð 2 sport, sem hefst klukkan 13:00 á sunnudaginn að íslenskum tíma.

Heimsmeistaramót íslenska hestsins er að þessu sinni haldið í höfuðborg Þýskalands og er þetta í fyrsta sinn sem mótið er haldið í miðri stórborg. Mikill áhugi er fyrir mótinu, bæði á Íslandi og meðal aðdáenda og eigenda íslenskra hesta um víða veröld. Um tvö þúsund Íslendingar hafa pantað sér miða á mótið en reiknað er með þrjátíu þúsund áhorfendum á mótinu.

Íslenskir hestar frá 15 löndum munu taka þátt í heimsmeistaramótinu í Berlín en alls eru 163 þátttakendur skráðir til leiks, þar á meðal 8 fyrrverandi heimsmeistarar. Á heimsmeistaramótinu eru sjö keppnisgreinar; tölt, slaktaumatölt, fjórgangur, fimmgangur, gæðingaskeið, 250 metra skeið og 100 metra flugskeið. Þá munu 44 kynbótahross hljóta dóm í kynbótasýningu. 

Auk beinna útsendinga verða samantektarþættir á hverju kvöldi þar sem farið verður yfir hápunkta dagsins og sýnd eru viðtöl við keppnisknapa og gesti mótsins. Að mótinu loknu verða vikulegir þættir á dagskrá í ágúst mánuði, þar sem fjallað verður um mótið og mannlífið í kringum það.  Viðtöl við keppnisknapa íslenska landsliðsins, þjálfara og aðstandendur.

Telma Tómasson, Logi Laxdal og Steindór Guðmundsson munu hafa umsjón með íslenskum lýsingum frá Heimsmeistaramóti íslenska hestsins á Stöð 2 sport.

DAGSKRÁ MÓTSINS á Stöð 2 Sport á íslenskum tíma.

SUNNUDAGUR 4. ÁGÚST
13:00 - Opnunarhátíð - Riðið um Brandenborgarhlið

MÁNUDAGUR 5. ÁGÚST
06:00-15:00 - Kynbótahross - byggingadómar
15:30-16:40 - Kynbótahross – reiðdómar 5 vetra hryssur
21:00-21:30 - Samantekt frá fyrsta degi 30 mín

ÞRIÐJUDAGUR 6. ÁGÚST
06:30-10:15 - Fjórgangur (V1) forkeppni
10:15-11.30 - Hlé
11:30-14:30 - Fjórgangur (V1) forkeppni
15:15-17:55 - Kynbótahross – reiðdómar 6 vetra og 7 vetra og eldri hryssur
21:00-21:30 - Samantekt frá öðrum degi 30 mín

MIÐVIKUDAGUR 7. ÁGÚST
06:00-10:30 - Kynbótahross – reiðdómar stóðhestar – allir flokkar
11:30-14:15 - Fimmgangur (F1) forkeppni
14:15-14:45 - Hlé
14:45-17:30 - Fimmgangur (F1) forkeppni (sýnt á STÖÐ 2 SPORT 3)
21:30-22:00 - Samantekt frá þriðja degi 30 mín

FIMMTUDAGUR 8. ÁGÚST
06:30-09:15 - Slaktaumatölt (T2) forkeppni
09:15-09:45 - Hlé
09:45-11:30 - Slaktaumatölt (T2) forkeppni
12:00-13:30 - Kynbótahross – yfirlitssýning hryssur
14:00-14:45 - Fjórgangur (V1) A-úrslit ungmenna
15:30-17:30 - Gæðingaskeið (PP1)
17:30 - Gæðingaskeið (PP1) verðlaunaafhending
21:30-22:00 - Samantekt frá fjórða degi 30 mín

FÖSTUDAGUR 9. ÁGÚST
06:30-10:15 - Tölt (T1) forkeppni
10:15-11:30 - Hlé
11:30-13:15 - Tölt (T1) forkeppni
13:30 - Slaktaumatölt (T2) A-úrslit ungmenna
14:45-16:15 - 250 m skeið (P1) undanriðlar
16:30 - Ræktunarbússýningar
21:00-21:30 - Samantekt frá fimmta degi 30 mín

LAUGARDAGUR 10. ÁGÚST
07:00-07:45 - Slaktaumatölt (T2) B-úrslit
08:00-08:45 - Fimmgangur (F1) A-úrslit ungmenna
09:00-09:45 - Tölt (T1) B-úrslit
10:00-11:30 - Kynbótahross – yfirlitssýning stóðhestar
12:00 - Sýning á gömlum kempum
12:45-14-15 - 250 m skeið (P1) undanriðlar
14:15-14:30 - 250 metra skeið (P1) verðlaunafhending
14:30-15:15 - Kynbótahross – hryssur - kynning
15:45-16:30 - Fjórgangur (V1) B-úrslit
16:45-17:30 - Fimmgangur (F1) B-úrslit
21:00-21:30 - Samantekt frá sjötta degi 30 mín

SUNNUDAGUR 11. ÁGÚST
07:15-08:00 - Slaktaumatölt (T2) A-úrslit
08:15-09:00 - Tölt (T1) A-úrslit ungmenna
09:15-10:00 - Tölt (T1) A-úrslit
10:00-10:45 - Kynbótahross – stóðhestar - kynning
11:15 - 100 m fljúgandi skeið (P2)
12:30 - 100 m fljúgandi skeið (P2) Verðlaunaafhending
13:00 - Fjórgangur (V1) A-úrslit og sameiginlegur sigurvegari í fjórgangi tilkynntur. Fimmgangur (F1) A-úrslit og sameiginlegur sigurvegari í fimmgangi tilkynntur
14:00 - Lokaathöfn og verðlaunaafhending
21:15 -22:00 - Samantekt frá öllu mótinu. 45mín



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.