Dag­skráin: Sýna Blika­konur aftur meistara­hliðarnar í kvöld?

Þetta er annars vegar leikur ÍBV og Vals í Vestmannaeyjum og hins vegar leikur Breiðabliks og Víkings í Kópavogi.

Nýliðar ÍBV unnu sinn fyrsta deildarsigur í tvo mánuði í síðasta leik og fá nú Valskonur í heimsókn sem eru á mörkunum að fara á bólakaf í harða fallbaráttu.

Íslandsmeistarar Breiðabliks töpuðu óvænt fyrir Fram í síðasta leik og misstu fyrir vikið toppsætið en gætu endurheimt það með sigri á Víkingum.

Útsending frá leik ÍBV og Vals hefst klukkan 17.50 á SÝN Sport Ísland 2 en leikurinn sjálfur hefst klukkan 18.00.

Útsending frá leik Breiðabliks og Víkings hefst klukkan 19.05 á SÝN Sport Ísland en leikurinn sjálfur hefst 19.15.

Það verður einnig sýnt frá snókermótinu Championship League Snooker og hefst útsendingin klukkan 10.00 og svo aftur klukkan 15.30 á SÝN Sport Viaplay.