Pandev segir FIFA hafa gert mistök

Goran Pandev, leikmaður Napoli og fyrirliði makedónska landsliðsins, segir að FIFA hafi birt vitlausan seðil hjá sér í kjöri á þjálfara ársins.

Vicente de Bosque, landsliðsþjálfari Spánverja, vann kjörið og Jose Mourinho, þjálfari Real Madrid, varð annar í kjörinu.

Mourinho ákvað að mæta ekki á hófið þar sem hann grunaði að brögð væru í tafli. Ummæli Pandev styrkja þá skoðun Mourinho.

"Ég kaus Mourinho en hann kom ekki fram á seðlinum mínum. Ég veit ekki hvað gerðist en þetta er mjög skrítið," sagði Pandev.