Skylda hverrar konu að eiga gott ilmvatn

Nína Björk Gunnarsdóttir ljósmyndari sem býr í Luxembourg er smekkkona. Hún upplýsir okkur hvaða snyrti- og hárvörur hún getur ekki verið án.

"Annars er besta fegrunarráðið brosa mikið, hlægja og gera sig hamingjusama," segir Nína áður en upptalningin hefst.

Andlitskrem. Styrkir náttúrulegt varnarlag húðarinnar og veitir þurri húð orku og aukið líf. Dregur úr streituáhrifum, gerir húðina sléttari og veitir fallegt yfirbragð. Ég mæli hiklaust með öllum andlitsvörum frá Blue Lagoon.

Húðkrem: L'occitane eru æðislegar vörur og ilmurinn yndislegur, gerir húðina silkimjúka og svo hreina og fallega. Ég elska að setja þetta á mig eftir ræktina.

L´ORÉAL Elnett hársprey klikkar ekki. Það gerir hárið fallegt með flottri fyllingu. Það gerir það mikið og fallegt. Ég hef notað það svo lengi og ætla halda því áfram.

SEPHORA glossarnir eru himneskir. Þeir bragðast vel. Það væri hægt að borða þá.

Prada ilmvatnið Candy er unaður. Ég hef verið stoppuð út á götu hversu vel ég ilma. Það er skylda að eiga gott ilmvatn.

Benefit maskararnir eru rosalega góðir. Burstinn er þykkur og gerir augnhárin löng og falleg.