Mætir samviskusamlega í ræktina

Leikkonan Mila Kunis, 29 ára, mætti eldsnemma í gærmorgun í líkamsræktina. Eins og sjá má var hún með hárið tekið aftur, sólgleraugu á nefinu og klædd í smart æfingadress. Hún kom síðan við á Starbucks kaffihúsinu eftir æfinguna og sötraði einn kaffi-latte eftir púlið. Mila er meðvituð eins og flestar leikkonur í Hollywood um að hreyfing er nauðsynleg bæði fyrir hausinn og að ekki sé minnst á útlitið. Nú hefur verið staðfest að hún á í ástarsambandi við vin sinn Ashton Kutcher sem grátbiður leikkonuna Demi Moore um að skilja við sig á pappírum þessa dagana. Eins og heimurinn varð vitni að skildu Demi og Ashton að borði og sæng í fyrra eftir að hann hélt fram hjá henni með gengilbeinunni Söru Leal. Þetta hefur ekki verið gott ár hjá Demi en hún var flutt á spítala eftir að hún hneig niður á heimili sínu í Beverly Hills og fór í kjölfarið í meðferð vegna fíkniefnavanda og átröskunar.