Zlatan skoraði og PGS hoppaði upp í 3. sæti

Paris Saint-Germain er loksins að vakna til lífsins í franska fótboltanum eftir að hafa gert jafntefli í þremur fyrstu leikjum sínum á tímabilinu. PSG vann 2-0 heimasigur á Toulouse í frönsku úrvalsdeildinni í kvöld og komst fyrir vikið upp í þriðja sæti deildarinnar.

Argentínumaðurinn Javier Pastore skoraði fyrra markið á 38. mínútu og Svínn Zlatan Ibrahimovic innsiglaði sigurinn með öðru marki á 69. mínútu.

Zlatan skoraði tvö mörk í sigrinum á Lille í síðasta leiknum fyrir landsleikjahlé og hefur þar með skorað fimm mörk í fyrstu fjórum leikjunum sínum í franska boltanum. Javier Pastore var aftur á móti að skora sitt fyrsta mark í deildinni í vetur.