Skotar áttu daginn á Kexinu

Gestir Kex Hostels létu snjó og ofankomu ekki á sig fá og fjölmenntu á sérstaka skoska hátíð þar sem skosk tónlist, þjóðarrétturinn haggis og viskí voru á boðstólnum.

Hátíðin er haldin í tengslum við fæðingardag skoska skáldsins Robert Burns og eins konar þjóðhátíð í Skotlandi.

Dagskráin stendur fram á laugardag á Kex Hosteli. Benni Hemm Hemm tróð upp sem og skoski trúbadúrinn Dan Wilson sem kemur fram undir nafninu Withered Hands.

Haraldur Guðjónsson ljósmyndari kíkti á skosku hátíðina og myndaði það sem fyrir augu bar. Smellið á myndina til að fletta myndasafninu.