Jessica Simpson búin að missa 20 kíló

Jessica Simpson segist hafa misst um 20 kíló frá því að hún ól dóttur sína Maxwell Drew Johnson í maí. Þessu uppljóstraði hún þegar hún kom fram í spjallþætti Katie Couric á ABC sjónvarpsstöðinni.

Simpson segir að það hafi ekki verið auðvelt að grennast.

„Ég setti mér lítil markmið. Ég hef lést í hverri viku, guði sé lof, en ég hef líka unnið fyrir því í hverri viku," sagði hú meðal annars í samtali við Couric og bætti því við að hún þyrfti einungis að grennast um fimm kiló til að ná þeirri þyngd sem hún var í áður en hún varð ólétt.

Simpson bætti því við í viðtalinu að hún væri að læra að meta fisk og aðra heilsufæðu.