Á nærfötunum á Twitter

Fyrirsætan Rosie Huntington-Whiteley er dugleg að auglýsa nýju undirfatalínuna sína á Twitter.

Línan hennar heitir Rosie for Autograph og er sú mest selda í verslunum Marks and Spencer. Mikill vill meira og ákvað Rosie að birta nokkrar myndir af sér léttklæddri á Twitter til að auka söluna enn frekar. Þeir sem fylgja henni á Twitter eru rúmlega 117 þúsund talsins og voru hæstánægðir með uppátækið.

"Til að fá innblástur áður en ég hannaði línuna fór ég í uppáhalds "vintage"-verslanirnar mínar og flóamarkaði í London, Los Angeles og París. Þar fann ég fjársjóðskistu af æðislegum fatnaði og skartgripum en líka myndir og mynstur úr gömlum hönnunarbókum og tískutímaritum," segir Rosie um þessa lúxuslínu.