Ómáluð Demi

X Factor-dómarinn Demi Lovato var ekkert alltof hress þegar hún lenti á flugvellinum í Rio de Janeiro.

Það er svo sem ekki skrýtið því það er nóg að gera hjá þessari tvítugu súperstjörnu. Demi náði ekki að horfa á síðustu stig áheyrnarprufa í X Factor í síðustu viku vegna þess að hún þurfti að fljúga til Brasilíu og klára tónleikaferðalag sitt. Ferðalagið byrjaði í júní í Kaliforníu. Þaðan ferðaðist hún til ýmissa borga í Bandaríkjunum og Kanada og er nú lent í Suður-Ameríku.

Það er erfitt líf að vera ofurstjarna!