Vill 62 millur ef hann heldur framhjá

Leikkonan Jessica Biel, 29 ára, heimsótti unnusta sinn, sem hún trúlofaðist fyrir skömmu, söngvarann Justin Timberlake, 31 árs, í vinnuna eða með öðrum orðum á tökustað þar sem hann leikur eitt af aðalhlutverkunum í myndinni Inside Llewyn Davis.

Jessica er greinilega meðvituð um að hjónabönd í Hollywood eru fallvölt en hún fer fram á að Justin skrifi undir kaupmála þegar þau ganga í heilagt hjónaband þar sem hún fer fram á rúmar 62 milljónir íslenskra króna ef hann verður henni ótrúr.

Eins og sjá má á myndunum var Jessica með appelsínugul sólgleraugu á nefinu.