Hólmar og félagar enduðu í ellefta sæti

Lokaumferð þýsku B-deildarinnar fór fram í dag en Bochum, lið Hólmars Arnar Eyjólfssonar, tapaði fyrir Erzgebirge Aue, 2-1.

Hólmar Örn spilaði allan leikinn með Bochum í dag en liði endaði með 37 stig.

Hann vann sér fast sæti í liði Bochum á síðari stigum tímabilsins og spilaði síðustu níu deildarleiki liðsins.

Greuter Fürth og Eintracht Frankfurt spila í úrvalsdeildinni á næstu leiktíð en Fortuna Düsseldorf hafnaði í þriðja sæti og komst í umspil gegn Herthu Berlín um úrvalsdeildarsæti.

Alemannia Aachen og Hansa Rostock féllu í C-deildina en Karlsruhe þarf að berjast fyrir lífi sínu í deildinni í umspili við lið úr C-deildinni.