Grænt er ekki vænt

Erin Heatherton, kærasta leikarans Leonardos DiCarprio, hefur fengið sig fullsadda af óþrifnaði hjartaknúsarans.

DiCaprio er mikill umhverfissinni og auk þess að aka um á umhverfisvænum bíl kýs hann að spara vatn og nota ekki svitalyktaeyði.

„Erin á erfitt með það hversu sjaldan Leo fer í bað og þolir ekki lyktina sem leggur frá endurvinnslutunnunum á heimili hans. Hann baðar sig ekki daglega til að spara vatn og finnst svitalyktaeyðir ónáttúrulegur. Erin er mjög hrifin af Leo en finnst sem hann elski umhverfið meira en hana," var haft eftir innanbúðarmanni sem telur að Heatherton muni ekki þola mikið lengur við nema leikarinn slaki á grænu líferni sínu.