Edrú John Grant

Bandaríski tónlistarmaðurinn John Grant sneri aftur hingað til lands 9. janúar eftir að hafa spilað á Airwaves-hátíðinni síðasta haust við góðar undirtektir. Hann ætlar að dvelja á landinu til næstu mánaðamóta, eða í um þrjár vikur.

Eins og komið hefur fram ætlar hann að spila í Edrúhöllinni 17. janúar og það verða hans einu tónleikar hér á landi. Grant ætti að finna sig vel í Edrúhöllinni því hann hefur ekki notað vímuefni árum saman en á plötu hans, Queen of Denmark, söng hann meðal annars um baráttu sína við áfengis- og eiturlyfjafíkn. -fb