Líkir 2012 við árið 1991

Rokkarinn Dave Grohl úr Foo Fighters hefur líkt tónlistarlandslaginu í dag við það sem var uppi árið 1991 þegar fyrrum hljómsveit hans Nirvana braust fram á sjónarsviðið með látum.

Hann telur að hljómsveitir sem spila gítarrokk fái ekki næga athygli í dag. „Mér finnst ekkert að rokkinu í dag. Það bara fær ekki næga athygli.

Núna er tónlistarlandslagið ekki ósvipað og árið 1991 áður en Nirvana varð vinsæl," sagði Grohl við Billboard.

„Undir lok níunda áratugarins var mikið af straumlínulöguðu poppi sem krakkar höfðu engan áhuga á.

Þeir náðu engum tengslum við hármetalsveitir sem sungu um súludansara í limósínum akandi eftir Sunset Boulevard," sagði hann.