Tók upp lag með Ratt

Dave Grohl úr Foo Fighters hefur tekið upp nýtt lag með bandarísku rokksveitinni Ratt, sem naut vinsælda á níunda áratugnum. Lagið verður hluti af nýju verkefni sem Grohl er með í gangi sem gengur undir heitinu TBA nú um stundir.

Foo Fighters er annars á leiðinni í hljóðver og ætlar að taka upp nýja plötu. Sú síðasta, Wasting Light, kom út í apríl í fyrra og því skammt stórra högga á milli hjá sveitinni. Hún hefur verið tilnefnd til sex Grammy-verðlauna fyrir plötuna og verður verðlaunaafhendingin í Los Angeles 12. febrúar.