Ennþá ólétt

Þrátt fyrir háværar sögusagnir þess efnis að Beyoncé hafi eignast barn sitt milli jóla og nýárs sást til söngkonunnar úti á borða á gamlársdag þar sem það fór ekki á milli mála að Beyoncé var ennþá ólétt. Samkvæmt People Magazine fór hin kasólétta Beyoncé út að borða ásamt eiginmanni sínum, Jay-Z, á stað í Brooklyn áður en þau fögnuðu nýju ári með litlu systur söngkonunnar, Solange Knowles.

Slúðurmiðlar vestanhafs bíða með öndina í hálsinum eftir barninu en mikil leynd hvílir yfir hvenær það er væntanlegt í heiminn. Gestir veitingastaðarins sögðu við People Magazine að söngkonan liti út fyrir að vera alveg að fara að eiga.