Leikarasonur fæddur

Leikaraparinu Ólafi Agli Egilssyni og Esther Talíu Casey fæddist sonur í gærmorgun og mun hann öllu hárprúðari en faðir hans og afi, stórleikarinn og -söngvarinn Egill Ólafsson.

Fyrir eiga þau Ragnheiði Eyju, fimm ára, svo það er ljóst að það verður líf og fjör á heimilinu í Mjóstræti á komandi árum. Í húsinu hittir sá nýfæddi fyrir annan leikarason, hinn eins og hálfs árs gamla Baldur Hrafn, son Víkings Kristjánssonar, en sá stutti býr þar ásamt móður sinni, Halldóru Rut Bjarnadóttur.

Svo er ekki loku fyrir það skotið að Magnús, ársgamall ömmustrákur söngdívunnar Ragnhildar Gísladóttur, líti í heimsókn með Bryndísi Jakobsdóttur móður sinni, en Ragnhildur býr einmitt líka í sama húsi með fótboltahetjunni Birki Kristinssyni.