Katy smeyk við að skilja

Söngkonan Katy Perry og grínistinn Russell Brand hafa ákveðið að skilja. Brand tilkynnti þetta skömmu fyrir áramót.

Fjölmiðlar vestanhafs hafa greint frá því að hjónabandið hafi verið komið í öngstræti fyrir nokkrum mánuðum. Perry hafi hins vegar ekki viljað taka af skarið til að binda enda á það til að koma ekki strangtrúuðum foreldrum sínum í uppnám. Eftir nokkrar vikur þar sem þau reyndu að ná sáttum var ljóst að skilnaður væri eina lausnin og tók Brand af skarið og lagði fram ósk um skilnað.

Eins og vera ber í Hollywood fylgdi fréttatilkynningu um skilnaðinn yfirlýsing um að þau yrðu áfram vinir.