Hjónavígsla í sögufrægu húsi

Rithöfundarnir Yrsa Þöll Gylfadóttir og Gunnar Theodór Eggertsson gengu í hjónaband á næstsíðasta degi nýliðins árs.

Það var allsherjargoðinn Hilmar Örn Hilmarsson sem gaf þau saman í bakgarði hins sögufræga húss Næpunnar við Skálholtsstíg en veislan fór svo fram í Næpunni sjálfri. Við sama tækifæri var dóttur hjónanna gefið nafn.

Meðal gesta í veislunni var Magnús Þór Jónsson, Megas, en hann er vinur og samstarfsmaður móður Gunnars, Þórunnar Erlu Valdimarsdóttur, til langs tíma. Þá er Þórður sonur Megasar kvæntur systur Yrsu, Bryndísi Höllu.