Hilary selur setrið á milljarð

Stórleikkonan Hilary Swank er búin að setja heimili sitt í Pacific Palisades í Los Angeles á sölu.

Húsið er stórglæsilegt í alla staði og í því eru sex svefnherbergi, sex baðherbergi, líkamsræktaraðstaða, vínkjallari og bíósalur. Þetta allt er ekki gefins því Hilary setur 9,5 milljónir dollara á slotið, rúmlega milljarð íslenskra króna.

Sjáið myndir af húsinu hennar hér

Það væri svo sem ekki leiðinlegt að búa í húsi Hilary en hún er með betri leikkonum í Hollywood. Hún hefur tvívegis unnið Óskarsverðlaun fyrir leik sinn, fyrst árið 2000 fyrir Boys Don't Cry og síðan árið 2005 fyrir Million Dollar Baby.