Endurkoma Prúðuleikara fær ótrúlegar viðtökur 12. janúar 2012 16:00 Fyrsta Prúðuleikara-myndin í tólf ár, The Muppets, verður frumsýnd hér á landi um helgina. Hún hefur verið gagnrýnd af bandarískum íhaldsmönnum fyrir kommúnisma og öfga-umhverfisvernd á meðan gagnrýnendur og áhorfendur hafa lýst yfir einskærri ást sinni á þessum höfuðpersónum hins sáluga Jim Henson. The Muppets er sjöunda kvikmyndin um Prúðuleikarana sem ratar á hvíta tjaldið. Að þessu sinni njóta þeir lífsins lystisemda þegar þráðurinn er tekinn upp, Svínka stýrir tískutímariti, Kermit sleikir sólina í villu sinni og Dýri er kominn í reiðimeðferð fyrir fræga fólkið. Þegar þrír aðdáendur Prúðuleikaranna komast að því að hinn illi Tex Richman ætli sér að rífa hið fornfræga Prúðuleikhús og bora fyrir olíu verða þeir að sameina gengið fræga og fá þá til að berjast gegn illvirkjum olíubarónsins. The Muppets-myndin er að mestu leyti hugmynd og hugarverk gamanleikarans Jason Segel sem margir ættu að kannast við úr How I Met Your Mother-gamanþáttunum og kvikmyndinni Forgetting Sarah Marsall. Hann kynnti forsvarsmönnum Disney hugmynd sína um að endurvekja brúðurnar snemma árs 2008 en Disney hafði þá ekki framleitt Prúðuleikaramynd frá því að Muppet Treasure Island var frumsýnd árið 1996 (hún fékk misjafnar viðtökur og slappa aðsókn). Disney leist vel á hugmyndina og veitti honum styrk til að þróa handrit og Variety greindi frá því að samningar hefðu náðst í mars það sama ár. Fyrsta uppkasti var skilað inn á skrifstofur framleiðsludeildarinnar í júní og fljótlega eftir það fór boltinn að rúlla. Snemma varð ljóst að Segel myndi leika eitt aðalhlutverkanna en meðhöfundur hans að handritinu, Nicholas Stoller, átti að leikstýra. Hins vegar var fallið frá þeirri hugmynd og James Bobin fenginn til að taka það hlutverk að sér. Hann hafði leikstýrt gamanþáttum fyrir gríntvíeykið The Flight of the Conchords og sjónvarpsseríunni um alter-egó Sacha Baron Cohen, Ali G. Amy Adams var síðan ráðin í aðalkvenhlutverkið og gæðaleikarinn Chris Cooper tók að sér hlutverk þrjótsins Richman. Handritshöfundarnir boðuðu að nýja Prúðuleikaramyndin yrði gerð í anda sjónvarpsþáttanna sem sýndir voru frá 1976 til 1981 þar sem svartur húmor fengi að leika lausum hala. Vinnutitill myndarinnar var þannig The Greatest Muppet Movie of All Time!!! Snemma lak það út að mörgum þekktum leikurum myndi bregða fyrir í myndinni. Og það kom á daginn; Emily Blunt, Billy Crystal, Jack Black og Alan Arkin bregður vissulega fyrir en hins vegar vekur listinn af þeim stjörnum sem voru klipptar út vegna tímamarka enn meiri athygli. Á honum má finna nöfn Lady Gaga, Ben Stiller, Ed Helms og Milu Kunis auk Ricky Gervais. En Gervais sést reyndar bregða fyrir í lokaatriði myndarinnar. The Muppets hefur fengið ótrúlegar viðtökur gagnrýnenda en samkvæmt rottentomatoes.com hafa 96 prósent gagnrýnenda gefið henni jákvæða umsögn. Þá er hún aðsóknarmesta Prúðuleikaramyndin hingað til, hefur halað inn rúmum 93 milljónum dollara í miðasölu vestanhafs. freyrgigja@frettabladid.is Mest lesið Villi á Benzanum slapp með skrekkinn Lífið Ævintýralega flóknar útskýringar á framtaksleysi og leti Lífið Dularfull glæpasaga fær bókafólk til að klóra sér í kolli Menning Vinsælasta TikTok-stjarna heims handtekin og yfirgefur Bandaríkin Lífið Brian Wilson látinn Tónlist Átta ára meðgöngu loksins að ljúka Lífið Skvísaðu þig upp fyrir íslenska sumarið Lífið Herra Hnetusmjör og Sara keyptu draumahúsið Lífið Ungfrú Ísland og Hringir Orfeusar og annað slúður með flest verðlaun á Grímunni Menning Wardruna í vanda – þegar dulúðin náði ekki flugi Gagnrýni Fleiri fréttir Gríman og glens í Borgarleikhúsinu Vinsælasta TikTok-stjarna heims handtekin og yfirgefur Bandaríkin Ævintýralega flóknar útskýringar á framtaksleysi og leti Pharoahe Monch með De La Soul á Lóu Skvísaðu þig upp fyrir íslenska sumarið Villi á Benzanum slapp með skrekkinn Átta ára meðgöngu loksins að ljúka Forsetabörnin loksins komin heim Herra Hnetusmjör og Sara keyptu draumahúsið Stjörnulífið: Sjóðheit og löng helgi Sly Stone er látinn Enn fjölgar í Hraðfréttafjölskyldunni Máli Baldoni vísað frá Ísland í neðsta og næstneðsta sæti hjá Ísraelum Nefndirnar sem smíða orðin: Lýðnetið víkur fyrir internetinu og þjarki fyrir bóta Að eiturefnum sé dreift úr flugvélum yfir fólk „Strákar verða að sýna tilfinningar“ Menningarveisla í allt sumar á Sólheimum „Grínast oft með að ég gaf honum um ellefu ár til að hætta við“ Af hverju er hvítasunnan haldin hátíðleg? „Ertu kannski Íslendingur?“ Brúnkukrems- og karókíkvöld á dagskrá kvenfanga Krakkatían: Aldur, tími og Greta Thunberg Söfnuðu milljón krónum fyrir ungt fólk með krabbamein Fékk sér Stöð 2 húðflúr í beinni útsendingu Vann gullverðlaun fyrir sykurblómaskreytingu Vala Kristín og Hilmir Snær búin að eiga Laufey Lín og Barbra Streisand leiða saman hesta sína Stuð og stemning á „árshátíð íslenskra þungarokkara“ í Stykkishólmi Þjóðhátíð um raunveruleikaþátt Brynjars: „Það er ekkert í boði“ Sjá meira
Fyrsta Prúðuleikara-myndin í tólf ár, The Muppets, verður frumsýnd hér á landi um helgina. Hún hefur verið gagnrýnd af bandarískum íhaldsmönnum fyrir kommúnisma og öfga-umhverfisvernd á meðan gagnrýnendur og áhorfendur hafa lýst yfir einskærri ást sinni á þessum höfuðpersónum hins sáluga Jim Henson. The Muppets er sjöunda kvikmyndin um Prúðuleikarana sem ratar á hvíta tjaldið. Að þessu sinni njóta þeir lífsins lystisemda þegar þráðurinn er tekinn upp, Svínka stýrir tískutímariti, Kermit sleikir sólina í villu sinni og Dýri er kominn í reiðimeðferð fyrir fræga fólkið. Þegar þrír aðdáendur Prúðuleikaranna komast að því að hinn illi Tex Richman ætli sér að rífa hið fornfræga Prúðuleikhús og bora fyrir olíu verða þeir að sameina gengið fræga og fá þá til að berjast gegn illvirkjum olíubarónsins. The Muppets-myndin er að mestu leyti hugmynd og hugarverk gamanleikarans Jason Segel sem margir ættu að kannast við úr How I Met Your Mother-gamanþáttunum og kvikmyndinni Forgetting Sarah Marsall. Hann kynnti forsvarsmönnum Disney hugmynd sína um að endurvekja brúðurnar snemma árs 2008 en Disney hafði þá ekki framleitt Prúðuleikaramynd frá því að Muppet Treasure Island var frumsýnd árið 1996 (hún fékk misjafnar viðtökur og slappa aðsókn). Disney leist vel á hugmyndina og veitti honum styrk til að þróa handrit og Variety greindi frá því að samningar hefðu náðst í mars það sama ár. Fyrsta uppkasti var skilað inn á skrifstofur framleiðsludeildarinnar í júní og fljótlega eftir það fór boltinn að rúlla. Snemma varð ljóst að Segel myndi leika eitt aðalhlutverkanna en meðhöfundur hans að handritinu, Nicholas Stoller, átti að leikstýra. Hins vegar var fallið frá þeirri hugmynd og James Bobin fenginn til að taka það hlutverk að sér. Hann hafði leikstýrt gamanþáttum fyrir gríntvíeykið The Flight of the Conchords og sjónvarpsseríunni um alter-egó Sacha Baron Cohen, Ali G. Amy Adams var síðan ráðin í aðalkvenhlutverkið og gæðaleikarinn Chris Cooper tók að sér hlutverk þrjótsins Richman. Handritshöfundarnir boðuðu að nýja Prúðuleikaramyndin yrði gerð í anda sjónvarpsþáttanna sem sýndir voru frá 1976 til 1981 þar sem svartur húmor fengi að leika lausum hala. Vinnutitill myndarinnar var þannig The Greatest Muppet Movie of All Time!!! Snemma lak það út að mörgum þekktum leikurum myndi bregða fyrir í myndinni. Og það kom á daginn; Emily Blunt, Billy Crystal, Jack Black og Alan Arkin bregður vissulega fyrir en hins vegar vekur listinn af þeim stjörnum sem voru klipptar út vegna tímamarka enn meiri athygli. Á honum má finna nöfn Lady Gaga, Ben Stiller, Ed Helms og Milu Kunis auk Ricky Gervais. En Gervais sést reyndar bregða fyrir í lokaatriði myndarinnar. The Muppets hefur fengið ótrúlegar viðtökur gagnrýnenda en samkvæmt rottentomatoes.com hafa 96 prósent gagnrýnenda gefið henni jákvæða umsögn. Þá er hún aðsóknarmesta Prúðuleikaramyndin hingað til, hefur halað inn rúmum 93 milljónum dollara í miðasölu vestanhafs. freyrgigja@frettabladid.is
Mest lesið Villi á Benzanum slapp með skrekkinn Lífið Ævintýralega flóknar útskýringar á framtaksleysi og leti Lífið Dularfull glæpasaga fær bókafólk til að klóra sér í kolli Menning Vinsælasta TikTok-stjarna heims handtekin og yfirgefur Bandaríkin Lífið Brian Wilson látinn Tónlist Átta ára meðgöngu loksins að ljúka Lífið Skvísaðu þig upp fyrir íslenska sumarið Lífið Herra Hnetusmjör og Sara keyptu draumahúsið Lífið Ungfrú Ísland og Hringir Orfeusar og annað slúður með flest verðlaun á Grímunni Menning Wardruna í vanda – þegar dulúðin náði ekki flugi Gagnrýni Fleiri fréttir Gríman og glens í Borgarleikhúsinu Vinsælasta TikTok-stjarna heims handtekin og yfirgefur Bandaríkin Ævintýralega flóknar útskýringar á framtaksleysi og leti Pharoahe Monch með De La Soul á Lóu Skvísaðu þig upp fyrir íslenska sumarið Villi á Benzanum slapp með skrekkinn Átta ára meðgöngu loksins að ljúka Forsetabörnin loksins komin heim Herra Hnetusmjör og Sara keyptu draumahúsið Stjörnulífið: Sjóðheit og löng helgi Sly Stone er látinn Enn fjölgar í Hraðfréttafjölskyldunni Máli Baldoni vísað frá Ísland í neðsta og næstneðsta sæti hjá Ísraelum Nefndirnar sem smíða orðin: Lýðnetið víkur fyrir internetinu og þjarki fyrir bóta Að eiturefnum sé dreift úr flugvélum yfir fólk „Strákar verða að sýna tilfinningar“ Menningarveisla í allt sumar á Sólheimum „Grínast oft með að ég gaf honum um ellefu ár til að hætta við“ Af hverju er hvítasunnan haldin hátíðleg? „Ertu kannski Íslendingur?“ Brúnkukrems- og karókíkvöld á dagskrá kvenfanga Krakkatían: Aldur, tími og Greta Thunberg Söfnuðu milljón krónum fyrir ungt fólk með krabbamein Fékk sér Stöð 2 húðflúr í beinni útsendingu Vann gullverðlaun fyrir sykurblómaskreytingu Vala Kristín og Hilmir Snær búin að eiga Laufey Lín og Barbra Streisand leiða saman hesta sína Stuð og stemning á „árshátíð íslenskra þungarokkara“ í Stykkishólmi Þjóðhátíð um raunveruleikaþátt Brynjars: „Það er ekkert í boði“ Sjá meira