Þórunn Antonía og Nilli í skyrglímu

Sjónvarpsþátturinn Týnda kynslóðin hefur aftur göngu sína á föstudagskvöld. Í fyrsta þætti ársins verður Björgvin Páll Gústavsson, markvörður íslenska handboltalandsliðsins, aðalgestur þáttarins og herma fregnir Vísis að Nilli hafi fengið vægast sagt slæma útreið hjá leikmönnum landsliðsins.

Í þættinum fer Týnda kynslóðin einnig og heimsækir Selfoss þar sem krakkarnir kíktu í heimsókn í Fjölbrautaskóla Suðurlands, hittu bæjarstjórann, spjölluðu við stelpurnar í Pylsuvagninum og enduðu á svaðalegri skyrglímu á 800 bar.

Týnda kynslóðin er í opinni dagskrá á Stöð 2 og hér á Vísi klukkan 19.45 á föstudagskvöld.