Kinnaman gæti leikið Robocop

Sænski leikarinn Joel Kinnaman hefur verið orðaður við aðalhlutverkið í endurgerð kvikmyndarinnar RoboCop sem kom fyrst út árið 1987. Kinnaman vakti fyrst athygli fyrir leik sinn í myndinni Snabba Cash þar sem hann fór með hlutverk Daniels Espinosa.

Kinnaman hreppti eitt aðalhlutverkanna í The Killig, bandarískri endurgerð dönsku sjónvarpsþáttanna Forbrydelsen og virðist þar með hafa fest sig í sessi í Hollywood. Leikstjórinn Jose Padilha mun leikstýra RoboCop og voru bæði Russell Crowe og Michael Fassbender orðaðir við hlutverkið í upphafi. Kinnaman er þó sagður vera fyrsta val leikstjórans og því gæti svo farið að næsti RoboCop verði sænskur að uppruna.

RoboCop segir frá lögreglumanninum Murphy sem myrtur er í starfi og vakinn aftur til lífs sem vélmennið RoboCop. Leikarinn Peter Weller fór upphaflega með hlutverk lögreglumannsins en Rutger Hauer og Arnold Schwarzenegger höfðu einnig verið orðaðir við hlutverkið.