Ekki lengur með sixpakk

Kólumbíska söngkonan Shakira, 35 ára, kynnti heimsbyggðinni nýverið að hún á von á sínu fyrsta barni með Gerard Pique. Shakira, sem er gengin sex mánuði, setti mynd af sér á Facebooksíðuna sína á laugardaginn var. Á myndinni er hún klædd í fjólubláan kjól þar sem greinilega má sjá að hún er með fallega kúlu.

Shakira setti eftirfarandi skilaboð með myndinni: "Ég er ekki lengur með six-pakk heldur aðeins einn pakka!!"

Fljótlega eftir að Shakira setti myndina á síðuna sína byrjuðu aðdáendur að senda henni heillaóskir og kveðjur. Þessi eina mynd fékk hvorki meira né minna en 50 þúsund athugasemdir og 400 þúsund "læk" - sem segir allt um vinsældir söngkonunnar sem verður bráðum mamma.

Vertu með okkur á Facebook.