Á tískuvíku í einkaþotu

Söngkonan Leona Lewis hefur svo sannarlega breytt um lífsstíl eftir að hún vann X Factor í Bretlandi árið 2006. Það dugði ekkert minna en einkaþota til að ferja hana og vinkonu hennar frá London til Mílanó svo þær gætu mætt á tískuvikuna þar í borg.

Leonu fannst greinilega ekki leiðinlegt í þotunni og var ekki lengi að setja myndir af sér á Twitter-síðu sína. Leona hjúfraði sig undir teppi með vinkonu sinni en breytti svo sannarlega um stíl þegar til Mílanó var komið. Hún klæddist vínrauðum síðkjól er hún skoðaði dýrindishönnun Roberto Cavalli.