Þetta kallar maður hrikalega skó!

Ungstirnið Taylor Momsen er ekki lengur litla, saklausa stelpan sem heimurinn fékk að kynnast í kvikmyndinni How the Grinch Stole Christmas.

Hún mætti á Narita-flugvöllinn í Tókíó um helgina í öllu svörtu og í svakalegustu skóm sem sögur fara af. Taylor splæsti í svört leðurstígvél með ansi myndarlegum hæl sem ekki allir gætu púllað.

Taylor er í hljómsveitinni Pretty Reckless og einbeitir sér nú algjörlega að tónlistinni en bandið vinnur nú að annarri plötu sinni.

“Ég er ekki að leika núna. Ég hætti að leika og ég sé sjálfa mig ekki leika í nánustu framtíð. Ég er með fókusinn á tónlistina.”