Hilmar Örn tilnefndur til tónlistarverðlauna

Tónskáldið Hilmar Örn Hilmarsson er tilnefnt til hinna norrænu Hörpu-kvikmyndatónlistarverðlauna fyrir tónlist sína í heimildarmyndinni Andlit norðursins sem framleidd er af Sagafilm.

Verðlaunin verða afhent þann 6. október í Hörpu en hétu áður Norrænu kvikmyndatónlistarverðlaunin og voru fyrst afhent í Noregi árið 2009.

Alþjóðleg dómnefnd mun velja sigurvegara og formaður dómnefndar afhendir honum verðlaunagrip, sem hannaður er af Ragnari Kjartanssyni, og tíu þúsund Evrur á lokakvöldi RIFF, alþjóðlegu kvikmyndahátíðinni í Reykjavík, í Hörpu að kvöldi 6. októbers.

Andlit norðursins er metnaðarfyllsta heimildarmynd sem Sagafilm hefur framleitt. Sagan segir frá ljósmyndaferli Ragnars Axelssonar, betur þekktur sem RAX, en hann hefur verið einn helsti ljósmyndari Morgunblaðsins frá árinu 1979.

Myndin hefur verið sýnd á kvikmyndahátíðum í Noregi, Þýskalandi, Danmörku, Bretlandi og víðar og hefur verið einstaklega vel tekið. Þá hlaut Andlit Norðursins Eddu verðlaunin í ár sem heimildarmynd ársins sem og Hilmar Örn fyrir bestu tónlistina.

Meira um myndina á heimasíðu Sagafilm