Heimsótti kynlífsklúbb í Berlín

Leikarinn Robert Pattinson úr myndunum Twilight segist hafa heimsótt þekktan kynlífsklúbb í Þýskalandi sem kallast The Kit Kat Club.

Pattinson var við tökur á sinni nýjustu mynd, Bel Ami í Berlín þegar hann leit inn á staðinn en þar stunda gestirnir kynlíf fyrir opnum tjöldum. „Ég sagði pabba frá þessu um daginn og hann var spenntur fyrir þessu. Hann sagði: „Ég er er á leiðinni. Við skulum fara í kynsvalls-klúbbinn"," sagði Pattinson við The Sun.

Hann segir frægðina vera pirrandi og reynir hvað hann getur til að forðast sviðsljósið. „Ég reyni alltaf að fela mig því um leið og fólk veit hvar ég er þá hangir fólk fyrir utan allan sólarhringinn. Maður verður brjálaður vegna þess að maður etur ekki flúið í burtu. Mikil athygli verður til þess að þú vilt ekki fara neitt. Þá geturðu aldrei hitt neinn og þér leiðist alveg svakalega."