Cheryl Cole slösuð á handlegg eftir bílslys

Söngkonan sæta, Cheryl Cole var mynduð í bak og fyrir í London í gær fyrir utan Radio 1 áður en hún hélt í útvarpsviðtal.

Cheryl var að vanda tipp topp til fara, klædd vinsæla haustlitnum, vínrauðum en athygli vakti að annar handleggur hennar var í fatla eins og sjá má á meðfylgjandi mynd. Ástæðan er sú að hún lenti í bílslysi með vini sínum Will.I.Am. á dögunum en þau eyða miklum tíma saman og eru tíðar sögusagnir uppi um að eitthvað sé á milli þeirra tveggja.

Söngkonan bar sig vel þrátt fyrir allt og brosti og veifaði til aðdáenda sinna.