Á deiti með nýjum manni

Leikkonan Heather Locklear fagnaði 51 árs afmæli sínu í Malibu í síðustu viku með nýjan mann upp á arminn, hinn 51 árs Larry Porush.

Heather hitti Larry fyrst á blindu stefnumóti en hún hefur verið á lausu síðan hún skildi við leikarann Jack Wagner í nóvember í fyrra. Tveimur mánuðum eftir að þau hættu saman var Heather flutt með skyndi á Los Robles-sjúkrahúsið í Kaliforníu því systir hennar var hrædd um að hún hefði drukkið of mikið áfengi og tekið of stóran skammt af lyfseðilsskyldum lyfjum. Jack Wagner bað hana um að fara í meðferð áður en þau hættu saman en það var ekki fyrr en eftir sambandsslitin að Heather lét slag standa.

Útlitið virðist þó bjart hjá Heather núna en við getum næst séð hana í litlu hlutverki í kvikmyndinni Scary Movie 5.