Lohan ók á mann og lét sig hverfa

Leikkonan Lindsay Lohan keyrði á mann er hún ók út af bílastæði skemmtistaðar í Hollywood. Lohan ók brott án þess að athuga hvort manninum hefði orðið meint af.

Er Lohan var ók út af bílastæðinu var bifreið hennar umkringd af ljósmyndurum og er leikkonan reyndi að komast í gegnum þvöguna ók hún á framkvæmdastjóra nálægs skemmtistaðar.

Leikkonan ók brott án þess að athuga hvort maðurinn hafði slasast við höggið. Lögregla var kölluð til og yfirheyrði fórnarlambið og nokkur vitni en málið var látið niður falla þegar í ljós kom að fórnarlambið var óskaddað.