Börnin í teiknimynd

Börn popparans sáluga Michaels Jackson ætla að ljá persónum í asískri teiknimyndaseríu raddir sínar. Prince, Paris og Blanket, sem eru á aldrinum tíu til fimmtán ára, munu þar með feta í fótspor föður síns í skemmtanabransanum.

Teiknimyndirnar, sem hafa notið mikilla vinsælda í asísku sjónvarpi, verða sýndar í Bandaríkjunum í framhaldinu.

Prince og Paris hafa áhuga á að leggja leiklistina fyrir sig. Þau leika í fjölskyldumyndinni Lundon's Bridge and the Three Keys á næsta ári, sem verður frumraun þeirra á hvíta tjaldinu.