100.000 krónu skór fyrir Blue Ivy

Blue Ivy, dóttir Beyonce og Jay-Z, er líklegast dekraðasta barn í heimi. Nú hefur hönnuðurinn Ruthie Davis sérhannað strigaskó fyrir krúttmonsuna sem eru skreyttir með Swarovski-kristöllum sem metnir eru á 800 dollara, tæplega hundrað þúsund krónur.

Skórnir heita Baby Ruthies 1 og eru ansi hreint reffilegir eins og sést á meðfylgjandi mynd.

Blue Ivy er bara átta mánaða og ekki einu sinni byrjuð að ganga en hún á nú þegar ansi myndarlegt skósafn sem flestar konur myndu deyja fyrir. Hún á meðal annars Jeremy Scott x Adidas J-strigaskó og Marc Jacobs-ballettskó. En ekki hvað?