Ætlar að verða rokkari eins og mamma

Allir meðlimir hljómsveitarinnar No Doubt eru nú orðnir foreldrar en það er einmitt ástæðan fyrir því að erfiðlega gekk að koma síðustu plötu þeirra út. Sagði Gwen Stefani í viðtali við Ellen DeGeneres á dögunum að það hefði verið vægast sagt erfitt fyrir hljómsveitarmeðlimi að finna tíma saman þar sem allir væri á fullu í barnauppeldinu.

Og talandi um börnin þeirra þá er það orðið nokkuð ljós að sonur söngkonunnar Zuma hefur ákveðið að feta í fótspor móður sinnar en þrátt fyrir ungan aldur hefur hann tileinkað sér rokkaðan stíl og er farinn að æfa sig á gítar. Frekar sætt!