Æi fáið ykkur herbergi

Slefið slitnaði ekki á milli knattspyrnumannsins Cristiano Ronaldo, 26 ára, og unnustu hans, rússneska undirfatamódelinu Irinu Shayk, 25 ára, þegar þau mættu á verðlaunahátíð á Spáni en kappinn spilar með Real Madrid.

Parið er ástfangið upp fyrir haus eins og sjá má á myndunum. Þau hafa ákveðið að gifta sig eftir Evrópumótið í knattspyrnu í sumar.

Oftar en ekki kemur sú umræða upp hvort undirfatamódelið ætli að sitja fyrir í tímaritinu Playboy. Hún segir það ekki koma til greina en hún fær oftar en ekki tilboð um að sitja fyrir í blaðinu.

„Ég er undirfatamódel en þarna set ég mörkin. Þeir buðu mér háar fjárhæðir á síðasta ári, en ég neitaði án umhugsunar. Ég lít á sjálfa mig sem módel, en aldrei nokkurn tíman fyrir svona tímarit," sagði Irina.

Í myndasafni má sjá Irinu knúsa kappann, pósa léttklædd í breska Esquire tímaritinu og á rauða dreglinum.