Adele með fangið fullt af verðlaunum

Það var breska söngkonan Adele sem var sigurvegari Grammy-verðlaunanna 2012 sem fóru fram í Los Angeles á sunnudagskvöldið. Adele fór heim með alls sex styttur en lag hennar, Rolling in the Deep, var valið lag ársins og platan 21 var plata ársins.



Þessi árlega uppskeruhátíð tónlistar fór fram í skugga fráfalls Whitney Houston og voru margir sem minntust söngkonunnar hæfileikaríku í ræðum sínum. Til dæmis söng klökk Jennifer Hudson lagið I Will Always Love You við mikinn fögnuð viðstaddra. Kjólarnir voru hver öðrum glæsilegri sem og buxnadragtir, en þær virðast vera það heitasta í ár.



Helstu vinningshafar Grammy

Lag ársins: Rolling In The Deep - Adele

Plata ársins: 21 - Adele

Nýliði ársins: Bon Iver

Sviðsframkoma ársins: Someone Like You - Adele

Dúett ársins: Body and Soul - Tony Bennett og Amy Winehouse

Rokklag ársins: Walk - Foo Fighters

Rokkplata ársins: Wasting Light - Foo Fighters

R&B lag ársins: Fool For You - Cee Lo Green og Melanie Fiona

R&B plata ársins: F.A.M.E. - Chris Brown

Rapplag ársins: All of the Lights - Kanye West, Rihanna, Fergie og Kid Cudi

Kántrílag ársins: Mean - Taylor Swift