Gullgyðja með myndarlega brjóstaskoru

Jennie Garth, sem er hvað best þekkt fyrir að leika Kelly í sjónvarpsþáttunum Beverly Hills 90210, geislaði í orðsins fyllstu merkingu í partíi til að hita upp fyrir Emmy-verðlaunahátíðina.

Teitið var haldið í Beverly Hills og vakti Jennie verðskuldaða athygli í kjól frá Gabriela Cadena sem sýndi hennar bestu hliðar.

Jennie skildi nýverið við eiginmann sinn, leikarann Peter Facinelli, og hefur verið dugleg að stunda skemmtanalífið. Þá lauk hún einnig nýlega við að leika í sjónvarpsmynd sem byggð er á glæpaskáldsögunni The Eleventh Victim.