Leitar að sannri ást

Leonardo DiCaprio segist ekki hafa fundið hina einu sönnu ást ennþá. Hann er núna að hitta fyrirsætuna Erin Heatherton sem er 22 ára. Hann hefur áður verið á föstu með leikkonunni Blake Lively og fyrirsætunum Bar Refaeli og Gisele Bundchen.

Spurður út í fyrstu ástina sagðist hann ekki muna eftir neinni slíkri. „Ef ég væri búinn að finna ástina í lífi mínu þá væri ég kvæntur núna, er það ekki?" sagði hann í viðtali við The Sun. Hann bætti við að hann heillaðist ekki af tilgerðarlegum og hefnigjörnum konum. Mestu máli skipti að konan sé góð manneskja.