Hugsar stöðugt um lýtaaðgerðir

Fyrrverandi ofurfyrirsætan Janice Dickinson, 57 ára, hugsar stöðugt um að gangast undir fleiri lýtaaðgerðir því hún þráir fátt meira en að bæta útlit sitt.

Meðfylgjandi myndir voru teknar af Janice úti að ganga með hundinn sinn. Þegar myndirnar eru skoðaðar má greinilega sjá breytinguna sem orðið hefur á Janice sem er þekkt fyrir að ræða opinskátt um aðgerðirnar sem hún hefur látið gera á sér eins og brjóstastækkunaraðgerðina sem hún gekkst undir eftir að hún varð móðir.

„Eftir að ég varð fertug lét ég setja bótox í andlitið á mér og hef gert það síðan á hálfs árs fresti. Ég er alltaf að hugsa um að láta laga meira. Ég ætla að verða fallegasta líkið í heiminum," sagði hún.