Jessica Alba geislaði á rauða dreglinum

Það er ekki hægt að segja annað en að leikkonan Jessica Alba sé glæsileg fyrirmynd í flesta staði en hún er mikill náttúruverndarsinni og er dugleg að leggja góðum málefnum lið. Leikkonan mætti einmitt á rauða dregilinn um helgina umhverfisverðlaunahátíðina á Environmental Media Awards sem haldin var í Burbank í Kaliforníu.

Alba var stórglæsileg til fara eins og henni er von og vísa en hún klæddist glæsilegri buxnadragt í svörtum og hvítum lit og klæddist skóm í stíl.

Eins og sjá má í meðfylgjandi myndasafni var leikkonan fagra búin að hugsa út í öll smáatriði þegar það kom að útlitinu.