Hreimur Örn gefur út nýtt lag

"Ég setti saman skemmtilegt myndskeið á Youtube frá mínum ferðum um landið og miðin undanfarið ár og ég vona að þið hafið gaman af. Þetta er ég með flestum af mínum nánustu vinum úr tónlistarbransanum á góðum stundum," segir Hreimur Örn Heimisson söngvari sem gefur út nýtt lag af fyrstu sólóplötunni hans sem kemur út innan tíðar.

Meðfylgjandi má hlusta á lagið sem heitir Þegar þú ert hér.

"Lagið er tekið upp að mestu til læf í sumarbústað undir Eyjafjöllunum í Rangárvallarsýslu.  Þeir sem að spila með mér í þessu lagi eru Benedikt Brynleifsson, Róbert Dan, Árni Þór Guðjónsson, Pálmi Sigurhjartarson og Addi 800 hljóðblandaði," segir Hreimur.