Svona heldur hún sér í formi

Ofurfyrirsætan Miranda Kerr keppist nú við að koma sér í form fyrir tískusýningu nærfatarisans Victoria's Secret í nóvember.

Hún setti mynd af sér með einkaþjálfara sínum á Twitter þar sem hún sést lyfta lóðum til að halda sér í góðu formi.

Þó að Miranda væri að svitna og pústa í hitanum var hún samt óaðfinnanlega til fara, í stílhreinum æfingafötum, með hárið greitt frá andlitinu og reffileg sólgleraugu.

Það er ekki ókeypis að líta út eins og Miranda en hún borðar aðeins lífrænt ræktuð matvæli. Hún æfir líka jóga helst daglega.