Framsækið þungarokk á Café Amsterdam

Annað kvöld, föstudaginn 28. september, halda hljómsveitirnar Daedra og In the Company of Men tónleika á Café Amsterdam.

Daedra spilar framsækið þungarokk með áhrifum úr hinum ýmsu áttum. Hljómsveitin brýtur upp hina hefðbundnu rokkhljómsveita uppsetningu með viðbót fiðlu- og píanóleikara auk þess sem þrír meðlimir syngja.

In the Company of Men spila framsækinn harðkjarna í anda sveita eins og Converge og The Dillinger Escape Plan. Tónlistin þeirra er ekki það eina sem er kraftmikið heldur er sviðsframkoman mikilfengleg og skemmtileg.

Tónleikarnir hefjast klukkan 22:00. - Frítt inn.

Meðfylgjandi má sjá fleiri myndir af Daedra.