Framhald á næsta ári

Næsta skáldsaga Stephens King verður framhald hinnar frægu bókar hans The Shining frá árinu 1977. Hún nefnist Doctor Sleep og fer í sölu 24. september á næsta ári.

Bókin fjallar um strákinn í The Shining, Danny Torrance, þegar hann er orðinn fullorðinn. Torrance er skyggn og annast gamalt fólk sem er við dauðans dyr þangað til hópur vampíra sem kallast The Tribe mætir á svæðið. "Ég hef alltaf velt fyrir mér hvað varð um krakkann í The Shining," sagði King. Vinsæl kvikmynd var gerð eftir bókinni árið 1980 með Jack Nicholson í aðalhlutverki.